Ümumdünya Əqli Mülkiyyət Təşkilatı (ÜƏMT) onlayn mənbələrə görə, yeni planşetin dizaynını təsvir edən Microsoft patent sənədlərini dərc edib.
Müşahidəçilər hesab edirlər ki, təklif olunan həllər Surface Pro 6 modelini əvəz edəcək cihazda istifadə oluna bilər.Yeni məhsulun Surface Pro 7 adı ilə kommersiya bazarına çıxacağı güman edilir.
Belə ki, planşetin simmetrik USB Type-C portu ilə təchiz ediləcəyi bildirilir. Ekranın ətrafındakı çərçivələrin eni əvvəlki nəsil qadcetlə müqayisədə bir qədər azalacaq.
Yeni məhsul üçün, patent sənədlərinə əsasən, Type Cover klaviaturası ilə təkmilləşdirilmiş örtük mövcud olacaq. Qadceti planşet rejimində istifadə edərkən, maqnit bərkidicilərə görə onu korpusun arxasında saxlamaq olar.
Patent sənədləri həmçinin cihazın ənənəvi USB Type-A portuna, Mini DisplayPort konnektoruna və standart 3,5 mm qulaqlıq yuvasına malik olduğunu göstərir.
Microsoft-un bu il Surface Pro 7 planşetini təqdim edəcəyi gözlənilir. Redmond korporasiyasının özü isə bu məlumatı şərh etmir.
Mənbə: 3dnews.ru