Polşa hökuməti çətin ki, Huawei avadanlığının gələcək nəsil mobil şəbəkələrdə istifadəsindən tamamilə imtina etsin, çünki bu, mobil operatorlar üçün xərclərin artmasına səbəb ola bilər. Bu barədə Reuters agentliyinə administrasiya və rəqəmsal inkişaf nazirinin kibertəhlükəsizlik məsələlərinə cavabdeh müavini Karol Okonski məlumat verib.
Xatırladaq ki, bu ilin yanvarında Polşa rəsmiləri Reuters agentliyinə bildirmişdilər ki, hökumət Huawei əməkdaşının və keçmiş Polşa təhlükəsizlik zabitinin casusluq ittihamı ilə həbsindən sonra Çinin “Huawei” şirkətini 5G şəbəkələri üçün avadanlıq təchizatçısı kimi şirkətdən kənarlaşdırmağa hazırdır.
Okonski bildirib ki, Varşava təhlükəsizlik standartlarını yüksəltməyi və beşinci nəsil şəbəkələr üçün limitlər müəyyən etməyi düşünür və yaxın həftələrdə qərar qəbul edilə bilər.
Mənbə: 3dnews.ru