Bu il ultra yüksək dəqiqlikli 8K televizorlarının tədarükünün artacağı gözlənilir. Bu barədə “DigiTimes” resursu sənaye mənbələrindən alınan məlumata istinadən məlumat yayıb.
8K panellər 7680 x 4320 piksel təsvir ölçüsünə malikdir. Bu, 4K-dan (3840 x 2160 piksel) dörd dəfə, Full HD-dən (16 x 1920 piksel) 1080 dəfə yüksəkdir.
Artıq bir çox şirkətlər 8K televizorlarını təqdim ediblər. Bunlara Samsung Electronics, TCL, Sharp, LG Electronics və Sony daxildir. Düzdür, belə panellərin qiyməti hələ də çox yüksəkdir.
Keçən il dünya üzrə təqribən 430 8K televizor tədarük edilib. Bu il təxminən beş dəfə artım gözlənilir: tədarüklər 2 milyon ədədə çatacaq. 2022-ci ildə isə analitiklərin fikrincə, vahid ifadədə bazarın həcmi təxminən 9,5 milyon olacaq.
Mütəxəssislər hesab edirlər ki, 8K televizor panellərinə tələbatın artmasına bir neçə amil kömək edəcək. Bunlar qiymətlərin düşməsi, ultra yüksək dəqiqlikdə müvafiq məzmunun yaranması və beşinci nəsil mobil şəbəkələrin (5G) inkişafıdır.
Mənbə: 3dnews.ru