Cənubi Koreyanın Daxili İşlər və Təhlükəsizlik Nazirliyinin nümayəndələri bəyan ediblər ki, tezliklə ölkə hökumətinin istifadə etdiyi bütün kompüterlər Linux əməliyyat sisteminə keçəcək. Hazırda Cənubi Koreya institutları Windows OS-dən istifadə edir.
Məlumatda qeyd olunur ki, Linux kompüterlərinin ilkin sınaqları Daxili İşlər Nazirliyinin tərkibində aparılacaq. Heç bir təhlükəsizlik problemi aşkar edilməzsə, əməliyyat sistemi gələcəkdə daha geniş yayılacaq.
Qərar Windows-u dəstəkləməyə davam etməyin xərcləri ilə bağlı narahatlıqlar fonunda verilib. Microsoft-dan Windows üçün pulsuz texniki dəstək 2020-ci ilin yanvarında başa çatacaq. Cənubi Koreya rəsmilərinin hesablamalarına görə, Linux-a keçid və yeni kompüterlər almaq 780 milyard vona başa gələcək ki, bu da təxminən 655 milyon dollar deməkdir.
Bununla belə, Linux əməliyyat sistemi dövlət məmurlarının fərdi kompüterlərində yayılmağa başlamazdan əvvəl mütəxəssislərin çox işi var. İlk növbədə, söhbət ƏS-nin təhlükəsizliyinin yoxlanılmasından, həmçinin onun Windows üçün hazırlanmış vebsaytlar və müxtəlif proqram təminatı ilə uyğunluğunun yoxlanılmasından gedir. Hökumət hesab edir ki, açıq mənbəli əməliyyat sisteminin tətbiqi müvafiq infrastrukturun saxlanılması üçün tələb olunan dövlət xərclərini əhəmiyyətli dərəcədə azaldacaq. Bundan əlavə, bu addım bir əməliyyat sistemindən asılılığın qarşısını alacaqdır.
Mənbə: 3dnews.ru