Sualtı rabitə sistemlərinin yaradılması üzrə ixtisaslaşan ABŞ-ın SubCom şirkəti Avstraliyadan Papua Yeni Qvineya vasitəsilə Honq-Konqa dənizaltı internet kabeli çəkməyi planlaşdırdığını elan edərək, Çin şirkəti Huawei Technologies-in fəal şəkildə təsirini genişləndirməyə çalışdığı regionda mövcudluğunu gücləndirib.
SubCom və özəl Sinqapur şirkəti H2 Cable birgə bəyanatda ABŞ şirkətinin H2 Cable ilə sualtı kabelin çəkilməsi üçün 380 milyon dollarlıq müqavilə bağladığını bildirib.Dənizaltı sistem üzərində işlərin 2022-ci ildə başa çatdırılması lazımdır.
Peyklərdən daha çox məlumatı, daha yüksək sürətlə və daha az xərclə ötürə bilən dənizaltı rabitə kabelləri dünya telekommunikasiya trafikinin böyük hissəsinə cavabdehdir. Bu, onları son dərəcə strateji əhəmiyyətli infrastruktur komponentləri edir.
Mənbə: 3dnews.ru