Çin Telekommunikasiya Avadanlıqlarının Sertifikatlaşdırma Təşkilatının (TENAA) internet saytında A7010 təyinatlı ucuz ZTE smartfonunun xüsusiyyətləri haqqında ətraflı məlumat dərc olunub.
Cihaz 6,1 düymlük HD+ ekranla təchiz edilib. 1560 × 720 piksel təsvir ölçüsünə malik bu panelin yuxarı hissəsində kiçik bir kəsik var - orada 5 meqapiksellik ön kamera yerləşir.
Arxa panelin yuxarı sol küncündə optik elementlərin şaquli oriyentasiyası olan üçlü əsas kamera yerləşir. 16 milyon, 8 milyon və 2 milyon piksel olan sensorlardan istifadə edilib.
Hesablama yükü 2,0 GHz takt tezliyi olan səkkiznüvəli prosessora verilir. Çip 4 GB RAM ilə birlikdə işləyir. 64 GB flash sürücü məlumatların saxlanmasına cavabdehdir.
Smartfonun ölçüləri 155 x 72,7 x 8,95 mm, çəkisi 194 qramdır.Elektron komponentlər 3900 mAh tutumlu akkumulyatorla təchiz edilib.
Qeyd edək ki, cihazda barmaq izi skaneri yoxdur. Proqram platforması kimi Android 9 Pie əməliyyat sistemi istifadə olunur.
Mənbə: 3dnews.ru