Fransız avtomobil istehsalçısı Renault SA, onun yapon tərəfdaşı Nissan Motor və Waymo (Alphabet holdinqi) Fransa və Yaponiyada insanların və yüklərin daşınması üçün özü idarə olunan avtomobillərin inkişafı və istifadəsi sahəsində tərəfdaşlıq imkanlarını birgə araşdırmaq qərarına gəldiklərini elan etdilər.
Renault-Nissan Alyansında biznesin inkişafına cavabdeh olan Hadi Zablit izah etdi ki, Waymo, Renault və Nissan arasında ilkin razılaşma “miqyasda mobillik xidmətlərinin tətbiqi üçün çərçivənin işlənib hazırlanmasına” yönəlib. Onun sözlərinə görə, şirkət sonrakı mərhələdə avtomobillərin sınaqdan keçirilməsinə və xidmətlərin tətbiqinə başlayacaq.
Müqavilə çərçivəsində iki avtomobil istehsalçısı Fransa və Yaponiyada sürücüsüz avtomobillərdən istifadə etməklə nəqliyyat xidmətlərini inkişaf etdirmək üçün birgə müəssisələr yaradacaq. Zablit bildirib ki, Waymo-ya əlavə sərmayə yatırmaq imkanları da nəzərdən keçirilir.
Mənbə: 3dnews.ru