“Roskosmos” Milli Aeronavtika və Kosmik Tədqiqatlar İdarəsinin (NASA) astronavtlarının “Soyuz” kosmik gəmisi ilə Beynəlxalq Kosmik Stansiyaya (BKS) çatdırılması xərclərini artırıb, RİA “Novosti” ABŞ Hesablama İdarəsinin NASA-nın kommersiya pilotlu uçuş proqramı ilə bağlı hesabatına istinadən xəbər verir.
Sənəddə bildirilir ki, 2015-ci ildə Roskosmos ilə müqavilə əsasında Amerika kosmik agentliyi Soyuzda bir oturacaq üçün təxminən 82 milyon dollar ödəyib. Kommersiya pilotlu uçuş proqramının nümayəndələri qeyd ediblər ki, BKS-ə astronavt göndərilməsinin dəyəri inflyasiya səbəbindən 5% artıb. Lakin konkret məbləğ adı çəkilməyib.
2011-ci ildə təkrar istifadə edilə bilən Space Shuttle sisteminin istismardan çıxarılmasından bəri NASA astronavtları yalnız Rusiyanın Soyuz kosmik gəmisindən istifadə etməklə BKS-ə daşınıblar.
Mənbə: 3dnews.ru