İnternet mənbələrinin məlumatına görə, Rusiya və Səudiyyə Ərəbistanı nümayəndələri səudiyyəli astronavtın qısamüddətli kosmosa uçuşa göndərilməsi imkanlarını araşdırırlar. Söhbət iki dövlətin hökumətlərarası komissiyasının iclası zamanı baş tutub.
Mesajda bildirilir ki, hər iki tərəf kosmik sənayedə birgə fəaliyyətin perspektivləri və qarşılıqlı faydalı sahələri üzrə növbəti danışıqları davam etdirmək niyyətindədir. Bundan əlavə, tərəflər səudiyyəli astronavtın iştirakı ilə pilotlu uçuşa hazırlıq işlərini davam etdirəcəklər.
Qeyd edək ki, Səudiyyə Ərəbistanı vətəndaşının kosmosa mümkün uçuşu ilə bağlı mesaj şahzadə Sultan bin Salman bin Əbdüləziz Əl-Səudun Rusiya Federasiyasına səfərindən sonra ortaya çıxıb. Səudiyyə şahzadəsi son səfəri çərçivəsində Missiyaya Nəzarət Mərkəzinə baş çəkib, həmçinin Roskosmosun rəhbəri Dmitri Roqozinlə də görüş keçirib.
Xatırladaq ki, keçmişdə Səudiyyə şahzadəsi ölkəsinin ilk astronavtı olmuşdu. 1985-ci ildə o, kosmosda bir həftə qaldı. Gözlənilir ki, Rusiya və Səudiyyə Ərəbistanı tezliklə kosmik sənayedə gələcək əməkdaşlıq proqramı hazırlayacaq.
Səudiyyə Ərəbistanından başqa, Rusiya digər ərəb dövlətləri ilə də əməkdaşlıq imkanlarını araşdırır. Məsələn, BƏƏ-dən olan bir astronavt tezliklə yerli "Soyuz" kosmik gəmisi ilə orbitə çıxacaq. Qısamüddətli ekspedisiyadan sonra BƏƏ-dən olan astronavtın iştirakı ilə uzunmüddətli uçuşun həyata keçirilməsi imkanlarına baxılacaq. Bəhreyn nümayəndələri ilə də kosmosa uçuşun həyata keçirilməsi ilə bağlı danışıqlar davam edir.
Mənbə: 3dnews.ru