Financial Times nəşrinin yazdığına görə, ötən ilin payızından Amerika kəşfiyyat orqanlarının rəhbərləri Silikon Vadisində yerləşən texnologiya şirkətlərinin rəhbərlərini Çində bizneslə məşğul olmağın mümkün təhlükələri barədə məlumatlandırırlar.
Onların brifinqlərində kiberhücumlar və əqli mülkiyyət oğurluğu təhlükəsi ilə bağlı xəbərdarlıqlar yer alıb. Bu mövzuda müxtəlif qruplarla, o cümlədən Kaliforniya və Vaşinqtondan olan texnologiya şirkətləri, universitetlər və vençur kapitalistləri ilə görüşlər keçirilib.
Görüşlər ABŞ hökumətinin Çinə qarşı getdikcə aqressiv mövqe tutmasının son nümunələridir. Financial Times-a verdiyi açıqlamada brifinqləri təşkil edən siyasətçilərdən biri, respublikaçı senator Marko Rubio onların məqsədini açıqlayıb.
"Çin hökuməti və Kommunist Partiyası ABŞ-ın iqtisadi və milli təhlükəsizliyi üçün ən böyük uzunmüddətli təhdiddir" dedi Rubio. “ABŞ şirkətlərinin, universitetlərinin və ticarət təşkilatlarının bunu tam başa düşməsi vacibdir”.
Financial Times-ın məlumatına görə, brifinqlər ötən ilin oktyabrında başlayıb. Onlarda ABŞ Milli Kəşfiyyatının direktoru Den Coats kimi ABŞ kəşfiyyat cəmiyyətinin yüksək vəzifəli üzvləri iştirak ediblər. Görüşlər zamanı məxfi məlumatlar mübadiləsi aparılıb ki, bu da kəşfiyyat xidmətləri üçün belə məlumatların açıqlanmasının qeyri-adi səviyyəsidir.
O vaxtdan bəri ABŞ və Çin arasında ticarət müharibəsində ciddi eskalasiya baş verib.
Mənbə: 3dnews.ru