Rusiya Federasiyası Hökuməti tərəfindən təsis edilən “Rus Keyfiyyət Sistemi” (Roskaçestvo) qeyri-kommersiya təşkilatı Beynəlxalq İstehlakçı Araşdırmaları və Sınaq Assambleyası (ICRT) ilə birlikdə 2019-cu ilin əvvəlinin ən yaxşı smartfonlarının reytinqini dərc edib.
Mütəxəssislər müxtəlif parametrlərdən istifadə edərək cihazları sınaqdan keçirir. Bunlar istifadə rahatlığı, etibarlılıq, rabitə keyfiyyəti, foto və video imkanları, audionun oxudulma keyfiyyəti, təhlükəsizlik və s.
Məlumata görə, üç yeni Samsung məhsulu bu ilin əvvəlinin ən yaxşı smartfonları olub - bunlar Galaxy S10 ailəsindən olan cihazlar, yəni Galaxy S10, Galaxy S10+ və Galaxy S10e.
“Testlərimiz göstərdiyi kimi, S10 digər modellərlə müqayisədə təkmilləşdirilmiş barmaq izi skanerinə malikdir: o, indi barmaq izinin üçölçülü təsvirlərini yaradır ki, bu da onun etibarlılığını artırıb. S10 və S10+ smartfonları çox davamlıdır: baraban testi nəticəsində onlar yalnız kiçik cızıqlara məruz qalıb. Bundan əlavə, S10 xətt telefonları zəng keyfiyyəti və prosessor sürəti üçün çox yüksək ballar aldı. Kameranın keyfiyyəti də yaxşılaşıb”, - “Roskaçestvo”nun açıqlamasında deyilir.
Ümumiyyətlə, 2019-cu ilin əvvəlinin ən yaxşı on smartfonu aşağıdakılardır:
- Samsung Galaxy S10;
- Samsung Galaxy S10+;
- Samsung Galaxy S10e;
- Samsung Galaxy Note 9;
- iPhone XSMax;
- iPhone XS;
- Samsung Galaxy S9;
- Samsung Galaxy S9+;
- Samsung Galaxy S8;
- Huawei Mate 20 Pro.
Mənbə: 3dnews.ru