Adətən istifadəçilər yeni smartfonların əvvəlki modellərlə müqayisədə performansını yaxşılaşdıracağını gözləyirlər. Lakin son vaxtlar yeni iPhone və Android cihazlarının xüsusiyyətlərindən biri ciddi şəkildə dəyişməyib. Söhbət cihazların batareyasının ömründən gedir, çünki hətta 5000 mAh tutumlu kütləvi litium-ion batareyaların istifadəsi bu parametri əhəmiyyətli dərəcədə artırmır.
Litium-ion batareyalardan qrafen əsaslı enerji mənbələrinə keçid olarsa, vəziyyət dəyişə bilər. Onlayn mənbələrin məlumatına görə, Cənubi Koreyanın “Samsung” şirkəti yeni akkumulyator növünün hazırlanmasında liderdir. Hesabatda bildirilir ki, texnoloji nəhəng gələn ilin əvvəlində qrafen batareyalı smartfon təqdim edə bilər, lakin çox güman ki, bu, 2021-ci ildə baş verəcək. Mövcud məlumatlara əsasən, yeni akkumulyator növü cihazların akkumulyatorunun ömrünü xeyli artıracaq və 0-dan 100%-ə qədər doldurulma prosesi 30 dəqiqədən az vaxt aparacaq.
Qrafenin başqa bir üstünlüyü ondan ibarətdir ki, o, litium-ion batareyaları ilə eyni yerdən istifadə edərək əhəmiyyətli dərəcədə daha yüksək güc çıxışı əldə edə bilir. Bundan əlavə, tutumu litium-ion analoqlarına bərabər olan qrafen batareyaları daha yığcam ölçülərə malikdir. Qrafen batareyaları da müəyyən elastiklik səviyyəsinə malikdir ki, bu da qatlana bilən smartfonların dizaynı zamanı çox faydalı ola bilər.
Ən son flaqman olan Samsung Galaxy Note 10 və Galaxy Note 10+ müvafiq olaraq 3500 mAh və 4500 mAh tutumlu akkumulyatorlarla təchiz edilib. Samsung mühəndisləri hesab edirlər ki, qrafen batareyalarına keçid mobil cihazların tutumunu 45% artıracaq. Bunu nəzərə alsaq, hesablamaq çətin deyil ki, qeyd olunan flaqmanlar litium-ion analoqları ilə eyni ölçülü qrafen batareyalarından istifadə etsəydilər, onda onların tutumu müvafiq olaraq 5075 mAh və 6525 mAh-a bərabər olardı.
Mənbə: 3dnews.ru