“SamMobile” resursu xəbər verir ki, sertifikatlaşdırma sənədlərində Cənubi Koreya nəhəngi “Samsung”un tezliklə elan edəcəyi iki büdcəli smartfon haqqında məlumat var.
Gələcək cihazlar SM-A025F, SM-A025F/DS, SM-M025F/DS, SM-M025M və SM-M025M/DS kod adları altında görünür. Bu cihazlar kommersiya bazarına Galaxy A02 və Galaxy M02 adları ilə çıxarılacaq.
Müşahidəçilər hər iki smartfon haqqında məlumatın bir sənəddə yer almasına diqqət çəkirlər. Bu o deməkdir ki, Galaxy A02 və Galaxy M02 demək olar ki, eyni texniki xüsusiyyətlərə sahib ola bilər.
Belə ki, şayiələrə görə, cihazların avadanlığına HD+ təsvir ölçülü 5,7 düymlük LCD ekran daxil olacaq. Ön tərəfdə 8 meqapiksellik selfi kamerası olacaq və ikili əsas kameraya 13 və 2 milyon piksellik sensorlar daxil olacaq.
O, ucuz səkkiznüvəli prosessor, ola bilsin ki, Snapdragon 450 çipi əsasında qurulacaq.Onun 2 QB əməli yaddaş və 32 QB fleş yaddaşa (əlavə olaraq microSD kart) sahib olacağı deyilir. Güc 3500 mAh tutumlu akkumulyatorla təmin ediləcək.
Smartfonlar Android 10 əməliyyat sistemi ilə gələcək.Qiyməti 150 dolları keçməyəcək.
Mənbə:
Mənbə: 3dnews.ru