“Samsung Display” şirkəti “Galaxy Fold” smartfonu üçün qatlanan OLED panellərin kütləvi istehsalına başladığını elan edib.
Samsung Electronics qatlanan smartfonun qlobal satışlarının aprelin 26-da başlamasını planlaşdırıb. Şirkətin mobil bölməsinin rəhbərinin sözlərinə görə, “Galaxy Fold”un 5G versiyasının bu ilin mayında Cənubi Koreyada satışa çıxarılacağı gözlənilir. Bu, Samsungun ilk qatlana bilən smartfonu olacaq. Şirkət satışlarının 1 milyon ədədi keçəcəyini gözləyir.
Qatlanan zaman Galaxy Fold-un ekran diaqonalı 4,6 düym, açıldıqda isə 7,3 düym təşkil edir.
Galaxy Fold-un rəqibi olan Huawei Mate X smartfonunun satışı bu ilin iyununda başlayacaq.
Mənbə: 3dnews.ru