Meizu-nun tezliklə Meizu 17 adlanacaq yeni smartfonunu təqdim edəcəyi gözlənilir.Son bir neçə həftə ərzində internetdə vaxtaşırı olaraq qarşıdan gələn yeni məhsulun xüsusiyyətlərini üzə çıxaran sızmalar yaranıb. Bu dəfə cihazın arxa panelinin xarici görünüşünü nümayiş etdirən metroda çəkilmiş fotosu dərc edilib.
Dünən internetə sızan renderlərdən məlum olan yeni görüntü cihazın görünüşünü təsdiqləyir. Cihazın xüsusiyyətlərindən biri o olacaq ki, Samsung tərəfindən istehsal olunan Galaxy S10 seriyalı smartfonlardakı kimi beş linzanın hamısı üfüqi şəkildə sıralanacaq.
Yeni görüntü cihazın ön hissəsini göstərməsə də, dünənki sızma, ön kamera obyektivinin yerləşdiyi ekranda dairəvi kəsik göstərir. Bundan əlavə, render Meizu 17-nin arxa kameralar üçün hər iki tərəfində iki obyektiv olacaq halqalı LED flaş alacağı barədə məlumatı təsdiqləyib.
Digər xüsusiyyətlərə gəlincə, cihazın yeniləmə tezliyi 90 Hz olan Full HD+ təsvir ölçülü OLED matrisini alacağı gözlənilir. Smartfon Qualcomm Snapdragon 865 çipsetinə əsaslanacaq, LPDDR5 RAM və UFS 3.0 daxili yaddaşa sahib olacaq. Cihazın kamerası dörd moduldan ibarət olacaq: 64 meqapiksellik əsas, 8 meqapiksellik ultra geniş bucaqlı obyektiv, 5 meqapiksellik telefoto obyektiv və 2 meqapiksellik dərinlik sensoru.
Bundan əlavə, smartfonun stereodinamiklər, Wi-Fi 6 və NFC ilə təchiz ediləcəyi gözlənilir. Akkumulyatorun tutumunun 4500 mAh olacağı gözlənilir. Cihaz 30 Vt sürətli enerji doldurma qabiliyyətinə də sahib ola bilər. Yeni smartfonun təxmini qiyməti 564 dollardır.
Mənbə: 3dnews.ru