İsveçrə hökuməti beşinci nəsil rabitə şəbəkələrinin istismarında istifadə olunan tezliklərin sağlamlığa mənfi təsir göstərə biləcəyinə inanan ölkə əhalisinin bir hissəsi arasında narahatlıq səviyyəsini azaldacaq monitorinq sistemi yaratmaq niyyətini açıqlayıb.
İsveçrə Nazirlər Kabineti qeyri-ionlaşdırıcı şüalanmanın səviyyəsinin ölçülməsi üzrə işlərin aparılmasına razılıq verib. Onlar yerli ekoloji təşkilatın əməkdaşları tərəfindən həyata keçiriləcək. Bundan əlavə, ekspertlər mümkün riskləri qiymətləndirəcək və çıxarılmış nəticələr barədə ictimaiyyəti mütəmadi olaraq məlumatlandıracaqlar.
Bu addım ölkənin bəzi regionlarının 5G şəbəkələrinin qurulması üçün zəruri olan yeni antenaların istifadəsinə icazənin qarşısını alması səbəbindən zəruri olub. Öz növbəsində, yerli telekommunikasiya operatorları gələcəkdə bir sıra üstünlüklər əldə etmək ümidi ilə 5G şəbəkələrinin tətbiqini sürətləndirməyə çalışırlar. İlk növbədə, beşinci nəsil rabitə şəbəkələrinin yerləşdirilməsi Əşyaların İnternetinin inkişafını sürətləndirəcək və avtonom nəqliyyata təkan verəcək.
Statistikalar göstərir ki, isveçrəlilərin yarıdan çoxu nəzəri cəhətdən sağlamlığa mənfi təsir göstərə biləcək 5G antenalarından gələn radiasiyadan narahatdır.
Mənbə: 3dnews.ru