Şəbəkə mənbələri bildirir ki, qabaqcıl smartfon Huawei P30 Pro Çin hökumət serverlərinə sorğular və ola bilsin ki, məlumatlar göndərir. Bu, istifadəçi heç bir Huawei xidmətinə abunə olmasa belə baş verir. Belə bir bəyanatı bu gün OCWorkbench resursu dərc edib.
Bundan əvvəl, ExploitWareLabs Facebook səhifəsində P30 Pro-nun istifadəçinin xəbəri olmadan etdiyi DNS sorğularının siyahısını təqdim edən yazı peyda oldu. Belə sorğuların olması onu deməyə əsas verir ki, smartfon potensial olaraq həssas istifadəçi məlumatlarını Çin dövlət serverlərinə ötürə bilər və cihazın sahibini qaranlıqda qoya bilər.
DNS sorğularının dərc olunmuş siyahısı göstərir ki, cihaz Alibaba Cloud tərəfindən qeydiyyatdan keçmiş və Çin İctimai Təhlükəsizlik Nazirliyi tərəfindən idarə olunan beian.gov.cn ünvanına daxil olur. Bundan əlavə, smartfonun EJEE Group tərəfindən qeydiyyata alınan və Çin İnternet İnformasiya Mərkəzi tərəfindən idarə olunan china.com.cn saytına tez-tez daxil olması qeydə alınıb.
ExploitWareLabs qeyd edir ki, Çin hökumət serverlərinə sorğular istifadəçinin smartfonda heç bir Huawei xidmətini aktivləşdirməməsinə və şirkətin xidmətlərinə abunə olmamasına baxmayaraq göndərilib.
Mənbə: 3dnews.ru