Mobil sənayenin ən son yenilikləri haqqında tez-tez etibarlı məlumatları dərc edən OnLeaks resursu, hələ rəsmi olaraq elan edilməmiş sirli Motorola smartfonunun renderlərini təqdim edib.
Cihazın əsas xüsusiyyəti dörd modullu əsas kameradır. Onun optik bölmələri 2×2 matrisdə yerləşdirilib.Modullardan birinin 48 meqapiksellik sensordan ibarət olduğu deyilir.
Yeniliyin displeyi diaqonal olaraq 6,2 düymdür. Panelin yuxarı hissəsində ön kamera üçün kiçik bir damcı formalı kəsik var. Söhbət birbaşa ekran sahəsinə inteqrasiya olunmuş barmaq izi skanerinin olmasından gedir.
Smartfonun ölçüləri göstərilib - 158,7 × 75 × 8,8 mm. Cihaz simmetrik USB Type-C portu və standart 3,5 mm qulaqlıq yuvası alacaq.
Təəssüf ki, hazırda istifadə olunan prosessorun növü və yaddaşın miqdarı haqqında məlumat yoxdur. Amma çox güman ki, Qualcomm tərəfindən hazırlanmış çiplərdən biri cihazın əsasını təşkil edəcək.
Yeni Motorola-nın nə vaxt və hansı qiymətə satışa çıxacağı barədə heç bir məlumat verilmir.
Mənbə: 3dnews.ru