Çinin Vivo şirkəti güclü X50 5G smartfonunun qarşıdan gələn yayın ilk günündə - iyunun 1-də debüt edəcəyini bildirən tizer yayımlayıb.
Adından da göründüyü kimi, yeni məhsul beşinci nəsil mobil şəbəkələrdə fəaliyyət göstərə biləcək. Düzdür, hələlik hansı prosessorun qurğuya daxil ediləcəyi bəlli deyil: bu, daxili 5G modemi olan MediaTek Dimensity və ya Qualcomm Snapdragon çiplərindən biri ola bilər.
Smartfon dar çərçivəli ekrana sahib olacaq. Ekranın yuxarı sol küncündə tək ön kamera üçün kiçik bir deşik var. Arxa kamera üçün dördkomponentli konfiqurasiya seçilib, lakin sensorların təsvir ölçüsü hələ açıqlanmayıb. Onlayn mənbələr optik görüntü sabitləşdirmə sisteminin mövcudluğunu göstərir.
Ümumiyyətlə, cihazın foto və video çəkilişləri baxımından geniş imkanlar təqdim edəcəyi gözlənilir. Aydındır ki, geniş diapazonda miqyaslandırma qabiliyyəti həyata keçiriləcək.
Əlavə edək ki, Vivo dünyanın aparıcı smartfon təchizatçılarından biridir. Şirkətin cihazları ruslar arasında çox populyardır.
Strategy Analytics hesab edir ki, bu ilin birinci rübündə dünya üzrə 274,8 milyon smartfon tədarük edilib. Bu, bir il əvvəlki nəticədən 17% azdır.
Mənbə: 3dnews.ru