SoftBank konqlomeratı tərəfindən dəstəklənən və yüksək hündürlüklərdə şəbəkə avadanlığı yerləşdirməklə ucqar regionları yüksəksürətli internetlə təmin etmək yollarını araşdıran HAPSMobile eyni problemin həlli üzərində çalışan Alphabet törəmə şirkəti olan Loon-a 125 milyon dollar sərmayə qoymaq niyyətini açıqladı.
Şirkətlər arasında yeganə fərq odur ki, Loon xüsusi avadanlıqla havaya buraxılan şarlardan istifadə edərək ucqar və əlçatmaz ərazilərə internet əhatə dairəsi yaratmağa çalışır, HAPSMobile isə bunun üçün pilotsuz uçuş aparatlarından istifadə edir.
Qeyd edək ki, kənd yerlərində və ya təbii fəlakətlər zamanı internet əhatəsində boşluqlara baxmayaraq, mobil operatorlar, hökumətlər və digər potensial müştərilər bu günə qədər iki şirkətin texnologiyasını almaq üçün çox az həvəs göstəriblər.
Loon və HAPSMobile ənənəvi mobil qüllələrin yerləşə bilmədiyi çətin əlçatan regionların sakinlərini yüksəksürətli internetlə təmin etmək problemini həll etməyə kömək edə biləcək tərəfdaşlıq elan ediblər.
Mənbə: 3dnews.ru