Samsung Qudvud Sürət Festivalında beşinci nəsil (5G) mobil şəbəkə vasitəsilə uzaqdan idarə oluna bilən dünyanın ilk avtomobilini təqdim etdi.
Eksperimental avtomobil Lincoln MKZ modelinə əsaslanır. O, virtual reallıq (VR) mühitində qarşılıqlı əlaqədə olan Təyin olunmuş Sürücü uzaqdan idarəetmə sistemini alıb.
Platforma beşinci nəsil mobil şəbəkə vasitəsilə məlumatların ötürülməsi üçün terminal rolunu oynayan Samsung Gear VR qulaqlıq və Samsung Galaxy S10 5G smartfonunun istifadəsini nəzərdə tutur.
Qeyri-adi avtomobilin imkanlarının nümayişi zamanı drift üzrə çempion kiçik Von Gittin dünyaca məşhur Goodwood Hillclimb trekinin keçidini göstərərək virtual reallıqda avtomobili uzaqdan idarə edib.
Qeyd edək ki, informasiyanın ötürülməsi üçün dünyanın ən böyük mobil operatorlarından biri olan “Vodafone” şirkətinin ultra sürətli 5G şəbəkəsindən istifadə edilib.
“Qudvudun başqa bir nöqtəsində yerləşən sürücü avtonom avtomobili VR eynəklərindən istifadə edərək idarə edir. Vodafone 5G şəbəkəsi 10G-dən 4 dəfəyə qədər sürətli məlumat sürətini və ultra aşağı siqnal gecikməsini təmin edir ki, bu da ani reaksiyanın kritik olduğu bir vəziyyətdə çox vacibdir”, - layihə iştirakçıları qeyd edirlər.
Mənbə: 3dnews.ru