Bu günlərdə Sinqapurda keçirilən Təhlükəsizlik Analitikləri Sammiti 2019 çərçivəsində Kaspersky Laboratoriyasının mütəxəssisləri rəqəmsal istifadəçi məlumatları üçün kölgə bazarını necə kəşf edə bildikləri barədə danışıblar.
Rəqəmsal şəxsiyyət anlayışı adətən rəqəmsal barmaq izləri adlanan onlarla parametrdən ibarətdir. Belə izlər istifadəçi veb-brauzerlər və mobil proqramlar vasitəsilə ödənişlər etdikdə görünür. Rəqəmsal identiklik həm də internetdə işləyərkən konkret istifadəçinin vərdişlərini müəyyən etməyə imkan verən analitik üsullarla toplanan məlumatlardan formalaşır.
“Kaspersky Lab” şirkətinin mütəxəssisləri rəqəmsal şəxsiyyətlər üçün əsl qara bazar olan “Genesis” platforması haqqında danışıblar. Onda istifadəçi haqqında məlumatın qiyməti 5-200 dollar arasında dəyişir. Bildirilir ki, “Genesis”də əsasən ABŞ, Kanada və Avropa regionunun bəzi ölkələrindən olan istifadəçilər haqqında məlumat var. Bu yolla əldə edilən məlumatlar pul, fotoşəkillər, məxfi məlumatlar, mühüm sənədlər və s. oğurlamaq üçün istifadə edilə bilər.
Mütəxəssislər xəbərdarlıq edir ki, “Genesis” populyardır və fırıldaqçılıq əleyhinə vasitələrdən yan keçmək üçün rəqəmsal əkizlərdən istifadə edən kibercinayətkar qruplar tərəfindən istifadə olunur. Bu cür fəaliyyətin qarşısını almaq üçün Kaspersky Lab şirkətlərə şəxsiyyətin yoxlanılmasının bütün mərhələlərində iki faktorlu autentifikasiyadan istifadə etməyi tövsiyə edir. Mütəxəssislər biometrik autentifikasiya vasitələrinin, eləcə də şəxsiyyəti yoxlamaq üçün istifadə oluna bilən digər texnologiyaların tətbiqi prosesini sürətləndirməyi məsləhət görürlər.
Mənbə: 3dnews.ru