TikTok-un ABŞ-da qadağan olunmaq ərəfəsində olduğu bir vaxtda bəzi İT şirkətləri tezliklə boş qala biləcək yeri doldurmağa hazırlaşır. Bu gün məlum olub ki, Facebook sosial şəbəkəyə daxil olmaq üçün özəl proqramında “Qısa videolar” funksiyasını sınaqdan keçirməyə başlayıb.
Bu təəccüblü deyil, çünki qısa videoların yayımlanması üçün platforma olan TikTok ABŞ-da çox populyardır və onun bazardan getməsi böyük gəlirli yeri boş qoyacaq. Qeyd edək ki, Facebook bundan əvvəl Instagram-da TikTok-a bənzər funksiyalar təklif edən Reels funksiyasını işə salmışdı. İndi, proqram mühəndisi Roneet Michael-a görə, şirkət əsas tətbiqində oxşar bir şey tətbiq etməyə çalışır.
Xatırladaq ki, Amerika şirkətlərindən biri sentyabrın 15-dək videoservisin alınması ilə bağlı sövdələşməni başa çatdırarsa, TikTok ABŞ bazarında qala bilər. Apple, Twitter və Microsoft kimi bazar nəhənglərinin maraq göstərdiyi bildirilir.
Hər halda, bu məsələ ilə bağlı yaranan qeyri-müəyyənliyin potensial alternativlərə marağı artıracağı ehtimalı var. Buna görə də Facebook-un tətbiqlərində qısa videoların yerləşdirilməsi və redaktəsi ilə bağlı yeni funksiyalar tətbiq etməklə yeni istifadəçiləri cəlb etmək şansı var.
Mənbə:
Mənbə: 3dnews.ru