Tesla öz avtomobillərini akkumulyatorlarla təmin etmək üçün Cənubi Koreyanın LG Chem şirkəti və Çinin CATL şirkəti ilə əməkdaşlıq etməyə razılaşıb.
Artıq uzun müddətdir ki, ortağı Yaponiyanın Panasonic şirkəti ilə batareya tədarükü müqaviləsi olan Tesla, LG Chem və CATL ilə müqavilələrinə daha kiçik batareya təchizatının daxil olduğunu söylədi.
Xatırladaq ki, ötən il Reuters agentliyi Tesla-nın Şanxaydakı zavodunda istehsal olunacaq avtomobillər üçün akkumulyatorların tədarükü ilə bağlı LG Chem ilə danışıqlar aparması barədə məlumat vermişdi. Mənbənin Reuters agentliyinə verdiyi məlumata görə, ABŞ-ın elektrik avtomobil istehsalçısı gələcəkdə akkumulyatorları CATL-dən də alacaq.
Mənbə: 3dnews.ru