Onlayn mənbələrə görə, Tesla Model 3 İsveçrədə nəinki digər elektromobilləri, ümumiyyətlə, ölkə bazarında təklif olunan bütün minik avtomobillərini geridə qoyaraq, ən çox satılan avtomobil olub.
Statistikalar göstərir ki, mart ayında Tesla 1094 ədəd Model 3 elektrik avtomobili tədarük edib, bazarın tanınmış liderləri Skoda Octavia (801 ədəd) və Volkswagen Golf (546 ədəd)-i qabaqlayıb. Demək olar ki, Model 3 sayəsində 2019-cu ildə Tesla tədarükləri əvvəlki illə müqayisədə artmaqda davam edir. İsveçrə bazarı avtomobil istehsalçısı üçün həmişə vacib olub, ona görə də Tesla nisbətən kiçik ölkəyə kifayət qədər sayda elektrik avtomobili tədarük edib. Həmçinin qeyd olunur ki, Model S ölkədə yaxşı satışlara nail ola bilib.
Qeyd olunur ki, son aylarda Model 3 elektromobili digər ölkələrdə də satış lideri olub. Belə tərəqqinin bariz nümunəsi ənənəvi olaraq elektriklə işləyən nəqliyyat vasitələrinə böyük diqqət yetirildiyi Norveçdir.
Mütəxəssislərin fikrincə, istehsalçı ölkəyə idxal olunan büdcəli elektromobillərin sayını artırdıqda, Avropa bazarına Model 3 tədarükünün həcmi artmağa davam edəcək. Mümkündür ki, bu il Tesla bəzi Avropa ölkələrinin bazarlarında avtomobilləri ən çox satılan ilk beş şirkətə daxil ola bilsin.
Mənbə: 3dnews.ru