“Toyota” şirkəti Çinin Tianjin şəhərində yeni enerji daşıyıcıları (NEV) – elektrik, hibrid və yanacaq elementləri ilə işləyən avtomobillər istehsal etmək üçün çinli tərəfdaşı FAW Group ilə birgə yeni zavod tikmək qərarına gəlib.
Eko-şəhər orqanlarının dərc etdiyi sənədlərə əsasən, Yaponiya şirkətinin yeni istehsal müəssisəsinə investisiyası 8,5 milyard yuan (1,22 milyard dollar) təşkil edəcək. Onlar həmçinin zavodun istehsal gücünün ildə 200 min avtomobil olacağını göstərirlər.
Toyota-nın artıq Çində dörd fabriki var. Onlarla bağlı işlər COVID-19 koronavirus infeksiyasının yayılması ilə əlaqədar dayandırılıb. Fevralın ortalarında şirkət Çançun, Quançjou və Tianjin şəhərlərində fabrikləri yenidən açmaq qərarını açıqladı. Və bir neçə gün əvvəl Toyota Chengdu zavodunda istehsala başladı.
Çin avtomobil bazarının 2019-cu ildə 8,2% daralmasına baxmayaraq, Yapon şirkəti burada keçən il 1,62 milyon Toyota avtomobili, həmçinin premium Lexus marka modelləri sataraq illik 9% satış artımı göstərib.
Mənbə: 3dnews.ru