Smartfonları Rusiya da daxil olmaqla bir çox ölkədə təqdim olunan Çinin Realme şirkəti yeni məhsullar ailəsinin hazırlandığını göstərən bir sıra tizerlər dərc edib.
Söhbət Narzo seriyalı cihazlardan gedir. Bildirilir ki, ilk növbədə gənc istifadəçilər üçün nəzərdə tutulan smartfonlar bu brend altında istehsal olunacaq.
Xüsusilə, tizerlərdən birində "Z nəsli" (Gen Z) adlanır. Bunlar 1997-2012-ci il təvəllüdlü insanlardır. Bu nəslin nümayəndələri smartfonlar, planşetlər, virtual reallıq sistemləri və digər ən son qadcetlərdən fəal istifadə edirlər.
Narzo ailəsinin smartfonlarının xüsusiyyətləri haqqında hələ ki, məlumat yoxdur. Lakin qeyd edilir ki, onlar Pro, X, U və C Series kimi digər Realme cihazları seriyasına qoşulacaqlar.
Ehtimal etmək olar ki, Narzo smartfonları hazırlanarkən foto və video imkanlarına xüsusi diqqət yetiriləcək. Buna görə də, yüksək rezolyusiyaya malik əsas sensoru və optik zumu olan çox modullu kamera gözləyə bilərik.
Yeni məhsulların Redmi və POCO markaları altında olan cihazlarla rəqabət aparmalı olduğu da bildirilir. Narzo cihazlarının elanının vaxtı ilə bağlı hələlik məlumat yoxdur.
Mənbə: 3dnews.ru