Cənubi Koreya nəhəngi Samsung, LetsGoDigital resursuna görə, tezliklə flaqman səviyyəsinə aid olan “ağıllı” televizorların Premyer ailəsini elan edə bilər.
Qeyd edildiyi kimi, şirkət artıq müvafiq əmtəə nişanının qeydiyyatı üçün Böyük Britaniyanın Əqli Mülkiyyət İdarəsinə ərizə təqdim edib. Bu o deməkdir ki, yeni məhsullar Avropa bazarına çıxarılmaq üçün hazırlanır.
Təəssüf ki, The Premier seriyalı cihazların xüsusiyyətləri haqqında məlumat yoxdur. Lakin müşahidəçilər hesab edirlər ki, bu televizor panelləri yüksək görüntü və səs keyfiyyəti ilə öyünür.
Qeyd etmək lazımdır ki, Cənubi Koreya nəhənginin məhsul çeşidinə artıq The Frame, The Serif, The Sero və The Terrace kimi televizor ailələri daxildir. Çox güman ki, tezliklə onlara Premyer panellər qoşulacaq.
Yeni məhsulların elanının Sentyabr IFA 2020 elektronika sərgisi çərçivəsində baş tutması mümkündür.Lakin biz Samsung-un sadəcə olaraq gələcəkdə istifadə üçün The Premier ticarət nişanını qeydiyyatdan keçirməsi ehtimalını da istisna edə bilmərik. Cənubi Koreya nəhənginin özü isə vəziyyəti şərh etmir.
Mənbə:
Mənbə: 3dnews.ru