KIA Motors üçüncü nəsil Ceed ailəsini genişləndirəcək yeni şəhər krossoverinin eskiz şəklini dərc edib.
Şəkildə gördüyünüz kimi, yeni məhsul kifayət qədər dinamik görünüşə sahib olacaq. Siluetdə maili damı görmək olar. Bundan əlavə, böyük jantları vurğulamağa dəyər.
“Bu, Ceed ailəsinə qoşulmağa tam layiq olduğuna inandığımız yeni kuzov stili, fərqli avtomobildir. Bu, çox zəruri rol oynayacaq, bu model xəttinin mövqeyini gücləndirməyə kömək edəcək, onu Avropalı müştərilər üçün daha canlı və cəlbedici edəcəkdir. Bu dizayn əvvəllər Ceed variantında görülməyib. Bu, KIA-nın sürpriz sənətinin daha bir əla sübutu olacaq”, - KIA Motors Avropanın Dizayn üzrə vitse-prezidenti Qreqori Qiyom deyir.
Təəssüf ki, hazırda yeni məhsulun texniki xüsusiyyətləri haqqında məlumat yoxdur. Qeyd olunur ki, avtomobili hazırlayarkən dizaynerlərə yaradıcı tədqiqatlarda maksimum sərbəstlik verilib.
KIA Motors bu ilin sonuna qədər Ceed krossoverini təqdim etməyə söz verir. Göründüyü kimi, avtomobil kommersiya bazarına 2020-ci ildə çıxacaq.
Mənbə: 3dnews.ru