Tesla Model X elektrik avtomobillərindən ibarət park İsveçrədə polis patrul avtomobillərinə çevrilib. Sözügedən avtomobilin 100 min dollara başa gəldiyini nəzərə alsaq, bu yanaşma təəccüblü ola bilər.Lakin İsveçrə polisi elektriklə işləyən avtomobillərin alınmasının son nəticədə pula qənaət edəcəyinə əmindir.
Polis rəsmiləri Model X elektrik avtomobillərinin hər birinin əvvəllər istifadə edilən dizel avtomobillərindən təxminən 49 frank baha olduğunu bildirir. Bununla belə, uzunmüddətli perspektivdə elektrik nəqliyyat vasitələrinin istifadəsi istismar və texniki xidmət xərclərinin əhəmiyyətli dərəcədə aşağı olması səbəbindən faydalı olacaqdır.
Daha sonra polis avtomobilinə çevrilən Tesla elektrik avtomobilləri ötən ilin dekabrında İsveçrəyə gəlməyə başlayıb. Polis bir neçə aydır ki, Tesla avtomobillərinin məlumat saxlama təhlükəsizliyinin kifayət qədər yüksək səviyyəsinə malik olmadığından ehtiyat edərək elektrik avtomobillərindən istifadə etməyə başlamadı. Model X polis avtomobillərinin Bazeldə yayılmağa başlaması ilə bu problem çox güman ki, həll olunub. Hazırda üç elektrik patrul maşını istifadə olunur və onların sayı getdikcə artacaq.
Tesla avtomobilləri bütün dünyada polis idarələri arasında populyarlıq qazanır. Yəqin ki, hüquq-mühafizə orqanlarının əməkdaşları öz işlərində elektromobillərdən istifadənin perspektivini görür və onlardan maksimum səmərəli istifadə etməyə çalışırlar.
Mənbə: 3dnews.ru