“The Elec” xəbər verir ki, “Huawei” şirkəti bu yaxınlarda təqdim etdiyi P30 smartfonu üçün Cənubi Koreya istehsalçısı LG Display əvəzinə çinli həmyerlisi BOE-dən və Samsung Display OLED panellərindən istifadə etmək qərarına gəlib.
LG Display bir vaxtlar Samsung ilə birlikdə Huawei-nin əsas panel təchizatçısı idi, lakin BOE-nin əsas təchizatçısı mövqeyini itirdi.
LG Display əvvəllər Çin istehsalçısının smartfonları üçün böyük miqdarda panellər tədarük edib, məsələn, Huawei Mate RS və Huawei Mate 20 Pro kimi flaqman modellərində istifadə olunub.
Öz növbəsində Cənubi Koreyanın texnologiya nəhəngi Samsung Display 2015-ci ildən Huawei-ni OLED panelləri ilə təmin edir.
Huawei üçün Samsung düz OLED panellərin eksklüziv təchizatçısıdır, BOE isə əyri panellərin əsas təchizatçısıdır.
OLED panelləri hazırda trenddədir və getdikcə daha çox istehsalçı onlardan flaqman smartfonlarında istifadə edir.
Bəlkə də OLED panellərindən istifadə edən və bu tendensiyaya başlayan ilk böyük şirkət Samsung oldu. Üstəlik, son vaxtlara qədər onun "qızı" Samsung Display kiçik və orta ölçülü OLED panellərin yeganə iri istehsalçısı olub, bazarın 90%-dən çoxuna nəzarət edirdi.
Mənbə: 3dnews.ru