ABŞ-ın müttəfiqlərinə Huawei Technologies texnologiyalarından istifadəni dayandırmaq üçün təzyiq göstərməsinə baxmayaraq, bir sıra ölkələr hələ də qlobal telekommunikasiya avadanlıqları bazarında payı 28% təşkil edən Çin şirkətinin xidmətlərindən imtina etməyi planlaşdırmır.
Macarıstan Huawei avadanlıqlarının milli təhlükəsizliyə təhdid yarada biləcəyinə dair heç bir sübuta malik olmadığını bildirib. Öz növbəsində Macarıstanın xarici işlər naziri Peter Szijjarto çərşənbə axşamı Çində keçirilən tədbirdə Huawei-nin ölkədə 5G şəbəkələrinin yerləşdirilməsində iştirak edəcəyini açıqlayıb.
Macarıstan Xarici İşlər Nazirliyindən Reuters-in e-poçt vasitəsilə əldə etdiyi bəyanatda Huawei-nin ölkədə 5G şəbəkələrini yerləşdirərkən Vodafone və Deutsche Telekom operatorları ilə əməkdaşlıq edəcəyinə aydınlıq gətirilir.
Mənbə: 3dnews.ru