Volkswagen və Çin startapı NIU Alman istehsalçısının ilk elektrik skuterini istehsal etmək üçün güclərini birləşdirməyə qərar verdilər. Bu barədə bazar ertəsi "Die Welt" qəzeti mənbələrə istinadən məlumat yayıb.
Şirkətlər Volkswagen-in bir ildən çox əvvəl Cenevrə avtosalonunda prototipini nümayiş etdirdiyi Streetmate elektrik skuterinin kütləvi istehsalına başlamağı planlaşdırır. Elektrikli skuter 45 km/saat sürət yığa bilir və bir dəfə akkumulyatorla 60 km məsafə qət edə bilir.
2014-cü ildə qurulan Çin startapı NIU artıq Çin və digər ölkələrin bazarına 640 minə yaxın elektrik skuteri tədarük edib. Təkcə son bir ildə NIU-nun satışları təxminən 80% artıb. NIU-ya görə, Çinin elektrik skuter bazarındakı payı təxminən 40% təşkil edir.
Mənbə: 3dnews.ru