Xiaomi şirkəti Weibo sosial şəbəkəsində “MIX Weibo” adlı yeni hesab açıb. MIX smartfonlar seriyasının yeni modelinin buraxılışına az qalıb. Qeyd edək ki, şirkətin Weibo-da uzun müddətdir “Xiaomi MIX” hesabı var, lakin uzun müddətdir ki, yenilənməyib.
Mənbələrin məlumatına görə, Xiaomi Mi MIX 4 və Mi MIX 4 Pro modelləri də daxil olmaqla bir sıra Mi MIX 4 smartfonlarını buraxmağa hazırlaşır. Qurğular nazik çərçivələrə və 2K təsvir ölçülü ekrana sahib olacaq. Ekranın yeniləmə sürəti 120 Hz olacaq. Ekranın altında qurulmuş ön kameranın olduğu da bildirilir.
Bəzi mənbələr iddia edir ki, yeni Mi MIX 4 seriyası iyunun sonuna planlaşdırılan MIUI 12-nin stabil versiyası buraxıldıqdan sonra elan ediləcək. Xatırladaq ki, yeni modellərin sələfi flaqman smartfonu Mi MIX 3 2018-ci ildə buraxılmışdı.
Mi MIX seriyasının digər nümayəndəsi, əhatəli ekranlı Mi MIX Alpha 5G smartfonu, keçən ilin sentyabrında hələ satışa çıxmayıb. Onun Çində qiyməti 19 999 yuan (təxminən 2832 dollar) təşkil edəcək. Bu ilin əvvəlində bildirilmişdi ki, Mi MIX Alpha 5G artıq kütləvi istehsala hazırdır, lakin smartfon üçün ilkin sifarişlərin açılması ilə bağlı şirkətdən rəsmi açıqlama verilməyib.
Mənbə: 3dnews.ru