İnternet mənbələrində Poco brendi ilə buraxılacaq yeni Xiaomi smartfonu haqqında qeyri-rəsmi məlumatlar dərc olunub. İddia olunur ki, beşinci nəsil mobil şəbəkələri (5G) dəstəkləyən qurğu buraxılışa hazırlanır.
Xatırladaq ki, Poco brendi Xiaomi tərəfindən düz iki il əvvəl - 2018-ci ilin avqustunda Hindistanda təqdim edilib. Dünya bazarında bu marka Pocophone kimi tanınır.
Bildirilir ki, yeni Poco smartfonu 120 Hz yeniləmə tezliyi ilə yüksək keyfiyyətli AMOLED displeyə sahib olacaq. Avadanlığa 64 meqapiksellik əsas sensoru olan çoxmodullu kameranın daxil olacağı ehtimal edilir.
“Ürək” Qualcomm Snapdragon 765G prosessoru olacaq. Çipdə 475 GHz-ə qədər tezliyə malik səkkiz Kryo 2,4 nüvəsi, Adreno 620 qrafik sürətləndiricisi və beşinci nəsil mobil şəbəkələri dəstəkləyən X52 5G modemi var.
Nəhayət, 33 vatt sürətli şarjlı batareyanın olduğu deyilir.
Yeni məhsulun rəsmi təqdimatının cari rübdə baş tutacağı gözlənilir. Smartfon orta səviyyəli OnePlus Nord modelinə rəqib ola bilər.
Mənbə:
Mənbə: 3dnews.ru