Xiaomi şirkətinin hüquq departamenti saxta Mi AirDots simsiz qulaqlıqlarının istehsalı və satışı ilə məşğul olan cinayətkar qrupun həbsi barədə məlumat yayıb. Şirkət bu ilin əvvəlində saxta qulaqlıqların satıldığı internet saytı aşkarladığını bildirib. Təhlükəsizlik qüvvələri Şençjendəki sənaye parkında yerləşən saxta məhsullar istehsal edən bir istehsal müəssisəsinin izinə düşə bilib.
Xiaomi hüquqşünasları bildiriblər ki, fabrikə basqın zamanı orijinal Mi AirDots-un qablaşdırmasına bənzər qutulara yığılmış 1000-dən çox saxta qulaqlıq, eləcə də qulaqcıqların yığılması üçün çoxlu hissələr ələ keçirilib. Hazırda şirkətin vəkilləri cinayəti törədənlərin məsuliyyətə cəlb edilməsi istiqamətində çalışırlar.
Xiaomi-nin populyarlığı onun məhsullarının saxtalaşdırılmasını qeyri-qanuni yolla pul qazanmaq üçün çox gəlirli bir üsula çevirdi. Məlumata görə, vicdansız iş adamları Çin texnoloji nəhənginin istehsal etdiyi smartfon və digər məhsulların saxtalarını istehsal etməyə başlayıblar.
Xiaomi müştərilərə məhsullarını yalnız rəsmi distribyutorlardan almağı tövsiyə edir, çünki əksər hallarda məqbul keyfiyyətdə belə fərqlənməyən saxtaların sayı hazırda bazarda çox böyükdür.
Mənbə: 3dnews.ru