Mobil texnologiyalar və mobil rabitə sahəsində ən böyük beynəlxalq tədbir olan MWC 2020 ayın sonunda keçiriləcək, lakin görünən odur ki, orada bütün şirkətlər iştirak etməyəcək.
İsveç telekommunikasiya avadanlığı istehsalçısı Ericsson cümə günü Çində koronavirus epidemiyası ilə bağlı narahatlıqlar səbəbilə MWC 2020-ni buraxmaq qərarını açıqladı.
Bunun ardınca dünyanın ən böyük mobil texnologiya sərgisi daha bir zərbə aldı - tədbirin sponsorlarından biri olan NVIDIA, “koronavirusla bağlı sağlamlıq riskləri” səbəbindən işçiləri Barselonada keçiriləcək MWC 2020-yə göndərməyəcəyini açıqladı.
“Koronavirusla bağlı ictimai sağlamlıq risklərinin aradan qaldırılması və həmkarlarımızın, tərəfdaşlarımızın və müştərilərimizin təhlükəsizliyinin təmin edilməsi bizim ən yüksək prioritetimizdir... Biz AI, 5G və vRAN-da işimizi sənaye ilə bölüşməyi səbirsizliklə gözləyirik. İştirak etməyəcəyimizə görə təəssüflənirik, lakin bunun düzgün qərar olduğuna inanırıq”, - deyə şirkətin açıqlamasında bildirilir.
MWC 2020-də iştirakdan imtina barədə daha əvvəl
Təşkilatçı GSMA, "koronavirusun MWC Barcelona 2020-yə potensial təsirini izləməyə və qiymətləndirməyə davam edir, çünki sərgi iştirakçılarının, ziyarətçilərin və işçilərin sağlamlığı və təhlükəsizliyi böyük əhəmiyyət kəsb edir" dedi.
Mənbə: 3dnews.ru