Şəbəkə mənbələrinin verdiyi məlumata görə, Android 9 (Pie) mobil əməliyyat sistemində istifadəçi fayllarını "Yükləmələr" qovluğundan başqa yerə köçürmək istəyərkən silinməsinə səbəb olan bir problem aşkar edilib. Mənbədə qeyd edilir ki, "Yükləmələr" qovlusunun adının dəyişdirilməsi də faylların cihazın yaddaşından silinməsinə səbəb ola bilər.
Mənbə bildirir ki, bu problem Android 9 olan cihazlarda meydana gəlir və cleanOrphans funksiyası ilə bağlıdır. Problemlə üzləşən istifadəçi, yüklənmiş şəkilləri "Yükləmələr" qovluğundan başqa yerə köçürməyə çalışmışdır. Fayllar uğurla köçürülürdü, ta ki, cihaz Doze Moduna keçənə qədər, bu mod Android Marshmallow-da meydana gəlib və mahiyyət etibarilə enerji qənaət modudur. Smartphone Doze Moduna keçdikdən sonra, istifadəçi tərəfindən köçürülən fayllar sadəcə silinmişdir.
İstifadəçi meydana gəlmiş problemi Google Issue Tracker servisi vasitəsi ilə inkişaf etdiricilərə bildirmişdir, lakin hələlik hər hansı bir həll təklif edilməmişdir. Qeyd etmək lazımdır ki, son iki il ərzində oxşar problemlər haqqında məlumat internetdə artıq meydana çıxmışdır, lakin aydındır ki, faylların "Yükləmələr" qovluğundan köçürülməsi zamanı silinməsinə səbəb olan bu problem hələ də aktuallığını qoruyur.
İnkişaf etdiricilər problemi düzəldənə qədər, istifadəçilərə "Yükləmələr" qovluğundan fayl köçürmə prosesinə diqqətlə yanaşmaları tövsiyə edilir, çünki müəyyən şəraitdə əhəmiyyətli fayllar itirilə bilər.
Mənbə: 3dnews.ru
