Акруговы суд Парыжа вынес рашэнне па разглядзе паміж кампаніяй Valve і Федэральным саюзам спажыўцоў Францыі (Union fédérale des consommateurs). Уладальніка Steam абавязалі дазволіць перапродаж відэагульняў на платформе.
Таксама суддзя вырашыў, што кампанія павінна перакладаць карыстачам сродкі з кашалька Steam пры сыходзе з платформы і браць адказнасць за магчымую шкоду прыладам ад праграмнага забеспячэння, які распаўсюджваецца праз платформу.
Суд даў Valve месяц на выкананне рашэння суда. У выпадку пратэрміноўкі будуць налічвацца штодзённыя штрафы. Таксама прадстаўнікі платформы могуць падаць апеляцыю.
Раней Valve адмовілася дазваляць перапродаж праектаў у Steam. Кампанія аргументавала гэта тым, што фактычна карыстачы не валодаюць відэагульнямі, а набываюць падпіску на нявызначаны тэрмін. Суддзя адмовіўся прызнаць сістэму распаўсюджвання падпіскай і прыраўнаваў яе да пакупкі тавараў. Гэта абавязала Valve дазволіць перапродаж відэагульняў на платформе, бо законы Еўразвяза падтрымліваюць абарот прадуктаў на другасным рынку.
Крыніца: 3dnews.ru