Разам з фармальным серыі дэсктопных чыпаў Ryzen 3000 і спадарожнага ім набору логікі X570 кампанія AMD палічыла неабходным унесці яснасць у пытанні сумяшчальнасці новых працэсараў са старымі матчынымі поплаткамі і новых матчыных поплаткаў са старымі мадэлямі Ryzen. Як аказваецца, пэўныя абмежаванні ўсё ж існуюць, аднак нельга сказаць, што яны могуць даставіць сур'ёзныя нязручнасці.
Калі кампанія AMD выводзіла на рынак платформу Socket AM4 у 2016 годзе, яна абяцала захаваць сваю прыхільнасць да гэтага працэсарнага раздыма аж да 2020 года. І зараз, пасля анонсу новых працэсараў і чыпсэта можна з пэўнасцю сказаць, што ў цэлым гэтае абавязацельства працягвае выконвацца. Ryzen 3000 сапраўды можна будзе ўсталяваць у многія Socket AM4-мацярынскія платы. Сумяшчальныя платы, заснаваныя на наборах логікі X570, X470 або B450, кампанія абяцае маркіраваць спецыяльным ярлыком "AMD Ryzen Desktop 3000 Ready". Наяўнасць гэтага цэтліка дазволіць пакупнікам зарыентавацца, якая плата зможа працаваць з новым працэсарам "са скрынкі".
Агульнае правіла такое: усе поплаткі на базе X570 змогуць працаваць з Ryzen 3000 без якія-небудзь дадатковых умоў, а поплаткі на базе X470 ці B450 будуць здольныя прыняць новыя працэсары пасля абнаўлення прашыўкі, выкананага або самім вытворцам на заводзе, або канчатковым карыстачом.
Што да больш ранніх поплаткаў, заснаваных на чыпсэтах X370 і B350, то для іх AMD таксама абяцае выбарачную сумяшчальнасць пры ўмове выкарыстання нейкіх адмысловых бэта-версій BIOS. Пры гэтым існаванне такіх прашывак не гарантуецца, а залежыць ад волі таго ці іншага вытворцы. Іншымі словамі, уладальнікам поплаткаў на базе X370 і B350 пры жаданні мадэрнізацыі сістэмы рэкамендуецца загадзя зверыцца са спісам сумяшчальных працэсараў і бэта-версій BIOS на сайце вытворцы.
Бюджэтныя платформы, заснаваныя на наборы логікі A320, у разуменні AMD сумяшчальнасць з новымі працэсарамі Ryzen 3000 атрымаць не павінны. Аднак, як мы ведаем, з гэтага правіла бываюць выключэнні, і некаторыя вытворцы дадаюць сумяшчальнасць з Matisse у сваіх прадуктах пачатковага ўзроўню ў прыватным парадку.
Акрамя таго, ёсць і яшчэ адзін цікавы нюанс, які тычыцца новых поплаткаў на базе X570. Як вынікае з прадстаўленых AMD дакументаў, яны фармальна пазбаўлены сумяшчальнасці са старымі працэсарамі Ryzen першага пакалення. І гэта – істотны момант, які трэба абавязкова мець на ўвазе тым, хто збіраецца паэтапна перайсці з 14-нм працэсараў Ryzen 1000 на больш сучасную платформу. Безумоўна, некаторыя вытворцы могуць самастойна ўхіліць дадзенае абмежаванне, аднак ніякіх гарантый няма, і карыстачам можна толькі параіць загадзя спраўджвацца са спісам сумяшчальных працэсараў.
Крыніца: 3dnews.ru