Калектыў ROCKFISH Games анансаваў EverSpace 2, сіквел касмічнага шутэра ў адкрытым свеце, "поўным таямніц, небяспек і незабыўных прыгод". Распрацоўнікі абяцаюць захаваць усе добрыя якасці папярэдніцы і прапанаваць нямала цікавых новаўвядзенняў.
Сюжэтная кампанія раскажа захапляльную гісторыю і прапануе падарожнічаць у космасе, адкрываць новыя іншапланетныя віды, раскрываць таямніцы, вырашаць галаваломкі і знаходзіць скарбы, адначасна абараняючыся ад касмічных піратаў. У небяспечных зонах атрымаецца знайсці асабліва каштоўныя трафеі, але, каб выжыць у іх, давядзецца задзейнічаць усе свае навыкі пілатавання і майстэрства імправізацыі.
Для сутычак з супернікамі будзе даступны шырокі арсенал, а атрымаць перавагу над апанентам атрымаецца тым, хто разумее асаблівасці асяроддзя. Пры стварэнні караблёў можна даць волю ўяўленню і спалучаць розныя адсекі, віды зброі і прылады, шукаць прыдатныя дэталі, знаходзіць узаемасувязі паміж рыштункам і характарыстыкамі, каб у выніку павысіць эфектыўнасць свайго судна да мяжы.
Распрацоўка EverSpace 2 працягнецца доўга – толькі ў другой палове наступнага года праект з'явіцца ў . А поўная версія паступіць у продаж не раней за 2021 год, і да таго моманту набыць яе можна будзе і на PlayStation 4 з Xbox One.
Крыніца: 3dnews.ru