Колькасць карыстальнікаў Telegram у Расіі дасягнула 30 млн чалавек. Пра гэта ў сваім заявіў заснавальнік месэнджэра Павел Дураў, які падзяліўся меркаваннямі наконт блакіроўкі сэрвісу ў Рунэце.
«Не так даўно дэпутаты Дзяржаўнай думы Фядотаў Тумусаў і Зміцер Іонін прапанавалі разблакаваць Telegram у Расеі. Вітаю гэтую ініцыятыву. Разблакіроўка дазволіла б трыццаці мільёнам карыстачоў Telegram у Рунэце больш камфортна выкарыстоўваць сэрвіс. Акрамя таго, яна магла б станоўча адбіцца на інавацыйным развіцці і нацыянальнай бяспецы краіны», - напісаў Дураў.
Па словах Паўла Дурава, досвед працы камунікацыйнага сэрвісу ў дзясятках краін на працягу апошніх 6 гадоў паказаў, што барацьба з тэрарызмам і права на таямніцу асабістай перапіскі не выключаюць адзін аднаго. «Спадзяюся, што ўлік сусветнай практыкі і спецыфікі сучасных тэхналогій дапаможа расейскім заканадаўцам сумясціць гэтыя дзве задачы. Са свайго боку буду працягваць падтрымліваць падобныя ініцыятывы», - дадаў заснавальнік Telegram.
Нагадаем, пастанова суда аб абмежаванні доступу да Telegram па іску Федэральнай службы па наглядзе ў сферы сувязі, інфармацыйных тэхналогій і масавых камунікацый была вынесена ў красавіку 2018 года. Прычынай блакіроўкі стала адмова распрацоўшчыкаў месэнджэра раскрыць ключы шыфравання для доступу ФСБ Расіі да перапіскі карыстальнікаў.
Крыніца: 3dnews.ru