ААТ "Расійскія чыгункі" ("РЖД") паведамляе аб выпрабаваннях першага расійскага электрацягніка, абсталяванага сістэмай самакіравання.
Гаворка ідзе пра спецыяльна мадыфікаваную версію «Ластаўкі». Машына атрымала абсталяванне для пазіцыянавання цягніка, сувязі з дыспетчарскім цэнтрам і выяўлення перашкод на шляху. «Ластаўка» у беспілотным рэжыме можа прытрымлівацца па графіку, а пры выяўленні перашкоды на шляху – аўтаматычна тармазіць.
Тэставую паездку на беспілотным электрацягніку здзейснілі намеснік старшыні ўрада Расійскай Федэрацыі Максім Акімаў і старшыня праўлення ААТ "РЖД" Алег Белазёраў. Выпрабаванні праводзіліся на эксперыментальным чыгуначным кольцы ў Шчарбінцы.
Кіраванне беспілотным электрацягніком можа ажыццяўляцца двума спосабамі: машыністам з кабіны ці аператарам з цэнтра кіравання перавозкамі.
«Сёння гістарычны дзень для расейскіх чыгунак – мы ўшчыльную падышлі да беспілотнай тэхналогіі. Мы тут прымяняем толькі расійскія сістэмы. Больш за тое, магу сказаць, што мы апярэджваем нашых замежных калегаў на год. ААТ "РЖД" імкнецца да ўкаранення тэхналогіі беспілотнага ваджэння, перш за ўсё таму, што гэта забяспечыць павышаны ўзровень бяспекі і надзейнасці перавозак, асабліва пасажыраў», - адзначыў спадар Белазёраў.
У найбліжэйшы год плануецца правядзенне серыі выпрабаванняў беспілотнага цягніка па адпрацоўцы тэхналогіі руху ў аўтаматычным рэжыме пад кантролем машыністаў, аднак тэставых паездак з пасажырамі на гэтым этапе не прадбачыцца.
Крыніца: 3dnews.ru