Браўзэр Firefox на Android у апошні час губляе папулярнасць. Таму ў кампаніі Mozilla распрацоўваюць Fenix. Гэта новы вэб-аглядальнік з палепшанай сістэмай кіравання ўкладкамі, хутчэйшым рухавіком і сучасным знешнім выглядам. Апошні, дарэчы, уключае ў сябе модную на сёння цёмную тэму афармлення.
Кампанія пакуль не паведаміла аб дакладнай даце рэлізу, але ўжо выпусціла агульнадаступную бэта-версію. Новы браўзэр у параўнанні з мабільнай версіяй Firefox атрымаў істотныя змены карыстацкага інтэрфейсу. Напрыклад, панэль навігацыі «пераехала» уніз, што спрашчае доступ да пунктаў меню. А вось пераключэнне ўкладак пакуль рэалізавана не занадта ўдала. Калі раней можна было правесці пальцам па адрасным радку, як у Chrome, то зараз гэты жэст адказвае за пераадрасаванне на камбінаваны стартавы экран. Магчыма, да рэлізу гэта зменяць.
Бэта-версія ўжо апублікаваная ў Google Play, аднак для атрымання доступу трэба зарэгістравацца ў якасці бэта-тэстара і далучыцца да групы Fenix Nightly Google. У якасці варыянту
Адзначым, што выпуск Fenix чакаецца калісьці пасля запланаванага на ліпень з'яўленні Firefox 68. Праўда пакуль незразумела, колькі давядзецца чакаць рэлізу навінкі. Магчыма, гэта адбудзецца толькі ў 2020 годзе, калі 68-я версія перастане атрымліваць абнаўленні бяспекі. І толькі пасля таго, як стары браўзэр пазбавіцца падтрымкі, усіх карыстачоў аўтаматычна перавядуць на новы.
Крыніца: 3dnews.ru