Гэтай восенню чакаецца выйсце абнаўлення Windows 10 19H2, у якім будзе даволі мала новаўвядзенняў. Аднак адно з іх вельмі цікава, бо гаворка ідзе пра іншых галасавых памагатых на экране блакавання АС.
Гэтая магчымасць ужо ёсць у білдзе 18362.10005, які выпусцілі ў Slow Ring. Пры гэтым зазначаецца, што ў спісе ёсць Alexa ад Amazon і фірмовая сістэма Cortana. Іх можна актываваць без разблакіроўкі сістэмы, у тым ліку голасам. Гэта відавочна працяг палітыкі кампаніі па глыбокай інтэграцыі ў сістэму галасавых памагатых.
Яшчэ ў пачатку 2019 года генеральны дырэктар Microsoft Сатья Наделла (Satya Nadella) прызнаў, што Cortana не можа канкураваць напрамую з такімі рашэннямі, як Alexa ці Google Assistant. Таму ў карпарацыі вырашылі не ваяваць, а аб'ядноўвацца.
Таксама кампанія мае намер зрабіць Cortana цалкам аўтаномным рашэннем, а не прывязаным да аперацыйнай сістэмы. Верагодна, такім чынам у Рэдмандзе хочуць вывесці «Картана» на мабільныя прылады, як было зроблена з «офіснымі» і іншымі фірмовымі праграмамі.
Апроч гэтага ў новай інсайдэрскай зборцы ёсць і іншыя новаўвядзенні, аднак яны носяць касметычны характар. У цэлым, Windows 10 19H2 не плануецца як глабальнае абнаўленне. Па сутнасці, гэта будзе патч з выпраўленнямі памылак і павышэннем хуткадзейнасці. Новыя ж магчымасці адкладуць як мінімум да вясны наступнага года. Верагодна, такая практыка дазволіць зменшыць колькасць скаргаў на збоі і ў цэлым павысіць якасць кода.
Крыніца: 3dnews.ru