Студыя Bluepoint Games, вядомая па рэмайстрах Shadow of the Colossus і трылогіі Uncharted, ужо амаль год працуе над сакрэтным праектам. Аўтары яшчэ ў ліпені 2018-га адкрылі вакансіі для працы над нейкім "класічным праектам". А нядаўна прадстаўнікі кампаніі крыху прыадчынілі заслону таямніцы.
Тэхнічны дырэктар Bluepoint Games Пітэр Далтон (Peter Dalton) заявіў: «Для нас Shadow of the Colossus выступае паўнавартасным рэмейкам з-за складанасцяў распрацоўкі праекта, гэта не рэмайстар. Наступная гульня кампаніі з'яўляецца пераасэнсаваннем, бо выходзіць за рамкі таго, што мы рабілі ў папярэднім праекце».
Карыстальнікі мяркуюць, што Bluepoint працуе над рэмейкам Demon's Souls. Студыя ўжо двойчы супрацоўнічала з Sony Interactive Entertainment. А класічных эксклюзіўных праектаў, якія выклікалі б цікавасць у публікі, не так шмат. Тварэнне FromSoftware выдатна ўпісваецца ў гэтую канцэпцыю. Стваральнік гульні Хідэтак Міядзакі (Hidetaka Miyazaki) казаў, што рэмэйк цалкам магчымы, але яго вытворчасцю павінна заняцца іншая студыя. Японскія распрацоўшчыкі не жадаюць вяртацца да сваіх старых твораў. У любым выпадку, правы на Demon's Souls засталіся ў Sony, а таму ёй вырашаць лёс праекту.
Крыніца: 3dnews.ru