Двое былых спецыялістаў Apple, па паведамленні Financial Times, разлічваюць ужо ў бягучым годзе анансаваць "рэвалюцыйную" аўдыёсістэму, якая не мае аналагаў на камерцыйным рынку.
Распрацоўкай прылады займаецца стартап Syng, заснаваны былымі супрацоўнікамі «яблычнай» імперыі – дызайнерам Крыстаферам Стрынгерам (Christopher Stringer) і інжынерам Афрузам Фэмілі (Afrooz Family). Абодва яны прымалі ўдзел у стварэнні "разумнага" дынаміка Apple HomePod.
Паведамляецца, што стартап Syng праектуе аўдыёсістэму пад назовам Cell. Па сваіх магчымасцях і характарыстыках яна нібы абыйдзе і згаданую смарт-калонку HomePod, і прылады Sonos.
Сцвярджаецца, што навінка зможа фармаваць высакаякасную аўдыёкарціну з эфектам апускання, неадрозную ад рэальнага гуку. Зрэшты, інфармацыі аб тэхнічных асаблівасцях сістэмы, якая рыхтуецца, на дадзены момант няма.
Афіцыйная прэзентацыя Cell чакаецца ў чацвёртым квартале гэтага года. Аднак на тэрміны выхаду прадукта на рынак могуць паўплываць пандэмія і агульная нестабільная эканамічная сітуацыя.
Крыніца: 3dnews.ru