Як вядома, кампанія Microsoft адмовілася ад развіцця ўласнай мабільнай платформы Windows Phone, якая не вытрымала канкурэнцыі з прыладамі Android. Аднак вядомыя далёка не ўсе прычыны фіяска сафвернага гіганта на гэтым рынку.
Былы інжынер Nokia, які працаваў над смартфонамі на базе Windows Phone, аб прычынах правалу. Зразумела, гэта не афіцыйная заява, а толькі прыватная думка, але і яна вельмі цікавая. Спецыяліст назваў чатыры прычыны краху праекта.
Па-першае, Microsoft банальна недаацаніла Google і АС Android. Тады сістэма рабіла толькі першыя крокі і здавалася не надта сур'ёзным канкурэнтам. Аднак пошукавы гігант меў туз у рукаве ў выглядзе шэрагу фірмовых сэрвісаў - YouTube, Maps і Gmail. З аналагаў у Рэдмандзе была хіба што пошта Outlook.
Па-другое, кампанія не здолела прапанаваць нічога прынцыпова новага, што магло б прыцягнуць карыстальнікаў. Тады многім здавалася ўтрапёнасцю, што дакументы можна праглядаць і рэдагаваць на смартфонах. А нічога іншага, акрамя "офіснага" пакета, у Microsoft не было.
Па-трэцяе, прыкладна ў той жа час кампанія выпусціла Windows 8, якую пасля ўдалай "сямёркі" многія ўспрынялі неадназначна. Як следства – пацярпела рэпутацыя, а значыць карыстачы ўжо не так давяралі Microsoft у плане аперацыйных сістэм.
Ну і, па-чацвёртае, карыстачам папросту хапала Android і iOS. Улічваючы адсутнасць унікальных "фішак" і наяўнасць "плітак", зыход Windows Phone быў прадвызначаны. Пры гэтым, па словах інжынера, распрацоўка прыкладанняў пад мабільную аперацыйную сістэму Microsoft была прасцей.
Крыніца: 3dnews.ru