Студыя The Farm 51 апублікавала 30-хвілінны геймплейны трэйлер хорару з элементамі выжывання Chernobylite, дзеянне якога разгортваецца ў Прыпяці і зоне адчужэння ЧАЭС.
Акрамя таго, распрацоўшчыкі дасягнулі вызначанай мэты на Kickstarter. $100 тысяч , і засталося яшчэ 20 дзён на атрыманне большай сумы. Вы ўсё яшчэ можаце ахвяраваць ад $2, каб падтрымаць The Farm 51, і ад $30, каб атрымаць копію Chernobylite у Steam у камплекце з лічбавым артбукам, эксклюзіўнай дэмаверсіяй і шпалерамі.
Chernobylite з'яўляецца навукова-фантастычнай адзіночнай гульнёй, якая сумяшчае свабоднае даследаванне свету са стварэннем прадметаў, цяжкімі бітвамі і нелінейным сюжэтам. Дзеянне разгортваецца ў 2016 годзе. Мінула 30 год пасля трагедыі на Чарнобыльскай АЭС, якая змяніла жыццё 350 тысяч людзей назаўжды. Нават праз усе гэтыя гады галоўнага героя мучаць дэманы мінулага - ён страціў самае каштоўнае, сваю дзяўчыну. Пратаганіст вяртаецца ў зону адчужэння, каб адшукаць яе. Усе сляды вядуць да таго, што Таня там, у самым небяспечным месцы на Зямлі.
У зоне адчужэння ў вас будуць партнёры, за якіх вы адказваеце. Вашыя рашэнні могуць прывесці да іх смерці на вылазцы. Каб гэтага не адбылося, гуляць трэба асцярожна, а не зламаючы галаву насіцца па небяспечнай мясцовасці. Падчас вылазак можна знайсці мноства карысных прадметаў, якія спатрэбяцца пры ўладкаванні базы. Кожную ноч вы вяртаецеся да сябе і можаце палепшыць жыллё - мадэрнізаваць станкі для стварэння прадметаў, збудаваць зручны ложак для павышэння маралі напарнікаў або маленькі палявы шпіталь, які дасць вам другі шанец, калі справа прыме дрэннае абарачэнне.
Што да нелінейнага сюжэту, то ў Chernobylite кожны персанаж можа памерці, а кожнае заданне можа быць правалена. Апавяданне фармуецца самім гульцом, яго ўменнямі і рашэннямі, якія вядуць да розных наступстваў і ўплываюць на зыход гісторыі.
Chernobylite паступіць у продаж на ПК у лістападзе 2019 гады ў раннім доступе Steam. Поўная версія павінна выйсці ў другой палове 2020-га. Распрацоўнікі таксама плануюць кансольны рэліз - праект ствараецца з улікам адпаведных асаблівасцяў інтэрфейсу і іншых элементаў, - але пакуль не гатовыя назваць нават прыблізную дату выхаду.
Крыніца: 3dnews.ru