Кампанія Crytek апублікавала відэа з дэманстрацыяй вынікаў распрацоўкі новай версіі яе ўласнага гульнявога рухавічка CryEngine. Дэманстрацыя называецца Neon Noir, і ў ёй паказана праца функцыі Total Illumination з трасіроўкай прамянёў у рэальным часе.
Ключавой асаблівасцю трасіроўкі прамянёў у рэальным часе на рухавічку CryEngine 5.5 з'яўляецца тое, што для яе працы не абавязкова наяўнасць спецыялізаваных RT-ядзер і падобных вылічальных блокаў у відэакарты. Уся апрацоўка прамянёў адбываецца сіламі стандартных вылічальных блокаў, якія ёсць у кожнай відэакарты, як ад AMD, так і ад NVIDIA. У пацверджанне гэтых слоў апублікаванае відэа з дэманстрацыяй Neon Noir было створана сіламі графічнага паскаральніка Radeon RX Vega 56. Дарэчы, таксама трасіроўка прамянёў у CryEngine 5.5 працуе з любым API, няхай гэта будзе DirectX 12 ці Vulkan.
Распрацоўнікі не раскрываюць усіх падрабязнасьцяў, аднак сякой-такой інфармацыяй усё ж дзеляцца. Адзначаецца, што ў дэманстрацыі з дапамогай трасіроўкі прамянёў былі візуалізаваны адлюстраванні і праламленні святла, прычым адлюстраванні будаваліся нават для тых аб'ектаў, якія не знаходзяцца ў кадры. А глабальнае асвятленне сцэны будавалася пры дапамозе сістэмы SVOGI, заснаванай на вокселах. Такі падыход нечым нагадвае рэалізацыю трасіроўкі прамянёў у Battlefield V.
Заснаваная на вокселах трасіроўка прамянёў патрабуе значна менш вылічальнай магутнасці, чым той падыход, які прапануе NVIDIA са сваёй тэхналогіяй RTX. За кошт гэтага будаваць якасны малюнак з ужываннем трасіроўкі прамянёў могуць відэакарты не толькі верхняга, але і сярэдняга коштавага сегмента. Як відаць, тая ж Radeon RX Vega 56 забяспечвае вельмі прывабную візуалізацыю, хоць і адносіцца да відэакарт сярэдняга ўзроўню, а яе кошт складае толькі 300 еўра.
У канцы Crytek адзначае, што рэалізаваная ёю эксперыментальная функцыя трасіроўкі прамянёў спрашчае рэндэрынгу ў рэальным часе сцэн і анімацый з правільнымі адлюстраваннямі і праламленнем святла пры высокім узроўні дэталізацыі. Нажаль, дазвол і частата кадраў апублікаванай дэманстрацыі не ўдакладняюцца. Але на выгляд усё выглядае вельмі годна.
Крыніца: 3dnews.ru